teri yaden jo tadpati thin raat din unhe kaise bhulata

Toot jaata hoon jab yaad karta hoon
bikhar jaata hoon jab bhi sochta hoon
...
zarra zarra mera jal ke shola ho jaata hai
rom rom mein tees si utthne lagti hai
dil bechaara chup chaap dekhta rehta hai
aur aankhein baadal ban jaati hain
...
mehsoos karta hoon kuchh armaanon ki
zindaa laashon ko jalaa dena
suntaa hoon unki cheekhon ko kaan bandd karke
bedard se dard ki bedard hasi
...
mazzakk udaane lagti hai
utthhaati hai ungali meri laachaari ki taraf
aur dhoondh kar sabse zakhmi rog
use dabaa dabaa kar poochhti hai
..
yaheen hai na dard...??? aur ye lab bhi bewafaa
apni tabassum ke aagosh mein khoye rehte hain
sard hawaa chheel kar badan ki parat ko
jaane kya talaash karti hai..
...
khurach khurach kar ek ek tamanna ko
uski har parat ko nikaal kar
usmein chhupe dard ko kheench kar masalti hai
teri yaad jab bhi aati hai...
..
bebass sa mehsoos kartaa hoon
bebass sa mehsoos kartaa hoon
teri yaad jab bhi aati hai...!!!
----------------------------------------------


Woh Suhaani shaam,
Aur suraj ki woh doobthi kiran,
Mere chehre ko phuslaathi hui,
Door ja rahi thi...
.
Saagar ki wo komal lehren,
Mere ungliyon thale khilwaad karti hui,
Mere is ghayal dil ko,
Thandak pahuncha rahi thi...
..
Mai tha akela,
Us Saagar ke kinaare par,
Nazar ki duuri tak koi dooja na tha...
..
Phir ek ehsaas uta,
Ki mere haath ko kisi ne thama,
Uski woh pankudi jaise naram ungliyan,
Mujhe taph tapha rahi thi....
..
Ek bharosa tha uske us chehre par,
Pyaar tha uski un aankhon mey,
Hoton par the kuch unkahi baatein,
Aur dil mey the kuch tez dhadkan...
..
Mausam suhaana tha,
Shaam mastani thi,
Woh mere saath thi,
Aur main uske paas tha...
..
Phir huyi kuch pyaar ki baatein,
Phir aaye ek dooje ke baahon main,
Lag raha tha samay tham jaaye,
Ya phir is pal mey meri jaan chali jaaye...
..
Wo ehsaas main khona nahi chahta,
Ki mere zindagi mey bhi koi hai,
Woh pal main gawana nahi chahta,
Ki mere baahon mai bhi koi hai...
..
Phir achanak aankhon par roshni ghiri,
Aur mere meete pal ek kwaab reh gaye,
Main samjha ki maine sapna dekha,
Aur ab main hoon sacchai main...
..
Aaj bhi hoon main akela,
Chalta hoon khaali haath,
Ruka hoon main us pal ke liye,
Jo main kabhi na khona chahta tha...
.
Kya aayega wo pal?
Kya milega mujhe mera sapna?
Ya phir sirf bachengi woh yaadein,
Wo sapna aur wo chahat,
Chal raha hoon main ye sochthe,
Jaane kis dagar...!!!
--------------------------------------------------

Ruthe raho huzur zara..
kuch manane mein maza aye..
ho jaye sitam kuch der aur
ki Dil lagane mein maza aye..
..
Nigah phere raho isi adaa se
nazar milane mein maza aye
behne do har gila band honto se
ki mitane mein maza aye..
...
theharne do ruthi laton ko rukhpe
hawa ko udaane mein maza aye
thaame raho aanchal yunhi
ki sarkaane mein maza aye..
...
bane raho nasamjh kabhi kabhi
ki samjhaane mein maza aye
shart koi aisi rakho
ki maan jane mein maza aye..
...
khokar is tarah milo
ki paane mein maza aaye
saans ban ke seene mein raho
ki jee jane mein maza aaye...!!!
-----------------------------------------------

ab main wo likhu jo khuda ko rula de...
us upar wale ko bhi jina sikhade...

jab mein is mehfil mein aaya to logon ne pucha khuda se dushmani kyon?

aaj iska jawaab de deta hun....
..
apne mohobbat ko khud humse alwida kehalwaya hai...
kuch is tarah khuda ne hume raham farmaya hai...
phir dua mangi ki jindagi ko phir pyaar se roshan karde...
hame sadko ka diya banakar sari raat jalaaya hai...
..
humne kaha ek baar khushiya hume udhar de de...
to humne apne aasuon se agle pal ko bitaya hai...
jab hosh aaya ki aasuon ka bhi hisaab dena hoga...
to use humne khoon ke bundon se chukaya hai....
..
kya zikr kare hum khuda ke rahamon karam ka...
khamoshi se jisne aaj tak humpe julm hi dhaya hai...
log kehte hai wo der karta hai meherbani karne mein...
ab kya kho de jab pane ki chah mein khud ko lutaya hai...
..
ab to shayad mout bhi dega to udhari badha lega...
wakai dena baki hai shayad isliye sason ko bachaya hai....
ab kehte hai log ki intjaar karle zara to jannat milega...
par ye dil ko to maza jyada is dard se aaya hai...
...
aadat si ho gayi hai ab hume yun hi gujar janeki....
aarzoo na rahi nigahon mein kabhi jannat nazar aane ki...
mehfilon ne hume wah wah keh kar rulaya hai...
har lafz ko wo sher kehte hai jab se ye dard paya hai...!!!
----------------------------------------------------------------------------------

khamosh raaton me kuch yaadon ke sahare.
dhadkano pe pehra lagaye baithe hai..
aaj khud hi se hum kuch es kadar.
apne ansuon ko chupaye baithe hai...
..
jo aksar kaha karte the hume apni jaan,
aaj unke dar par sar jhukaye baithe hai !
kuch to saja de wo hame hamari wafaaon ka,
wo aaj humse moonh phere huye baithe hai...
...
yun kab talak intejaar kare hum tanha hi mauth ka,
jab unke sath jine marne ki kasme khaye baithe hai !
ab wo kehte hai hum unhe bhool jaye,
par kaise jab har pal ko unhi ki yado se sajaye baithe hai !!
...
aaj unke karan tanha hai par gum nahi jara bhi,
aakhir wo to dur jakar muskuraye baithe hai !
aur kya jikr kare is dil ke haal ko,
jinhe apna kaha unhi se jakhm khaye baithe hai !!

Yeh kaisa nasha hai jo behka raha hai

Khushnasib Hai Hum Jise Aap Jaisa Yaar Mila
Pathron Ke Jahan Mein Sacha Pyar Mila

Jeeye Tumhe Dekh Dekh
Marre Teri Baahon Mein Yeh Aarzu Hai Meri

Do Pal Ka Tha Sab Ae Dost
Sadiyon Se Lamba Hamein Intezaar Mila!!
----------------------------------------------------------

Ab tere liye mera deewanapan..
Isse zyada aur kya hoga..
Dekhata hhun jis khat par tera naam.
Sochta hun tera yeh paigaam mere liye hi hoga..
...
Tere geet teri nazm mein pada hai jab bhi pyaar ke shabado ko..
Kyu yeh lagta hai ki tune ye mere liye hi likha hoga..
..

sunta hun jab bhi koyal ko chehkte huye..
kyu lagta hai tune pyar se mujhay pukara hoga...
...
jaati hai hawa mere jism ko choote huye..
kyu lagta hai ki tune ese mere pass bheja hoga...
...
Jab bhi dhalka hai shaam ka aanchal jo kahi...
kyu lagata hai ki mere intazaar me tera dil bechain hota hoga.....
..
Chuma hai jab bhi bhaware ne kisi kali ko muskara ke....
Kyu laga mujhe ki tune khayalo mein mere labo ko chuma hoga.....
..
Jab bhi barsa hai badal jhum ke dharati per kabhi
Kyu laga mujhe ki tune mujhe apni bahaon main sameta hoga
...
Dhadka hai jab bhi mera dil jor se kabhi ya le hain maine hichkiyan...
Raha mere dil ko yehi ehasas ki tune dil ki geharyion se yaad mujhe kiya hoga...
..
Ye mera diwanpan kahi aur diwaana na kar de mujhko..
Ab isse jyda teri mohabbat ka nasha aur kya hoga..!!!
------------------------------------------------------------------------------------------------------------------

Mere toote huye dil ki sadaa tum hi to ho,
iss nakam mahobat ki dastaan tumhi to ho.........
..
tumse hi hua karti thi mere ashiane mai roshni,
lagi agg jiss se chiraag tumhi to ho...........
..
tuhi to thi meri har sehar ka ujala,
inn tanhaiyon ki andheri raat tumhi to ho.........
..
tuhi to thi meri har ek sham ki rounak,
inn virano ki basti ke dendaar tumhi to ho........
...
tuhi thi mere labo ki muskurahton ka sabab,
iss dard bhare dil ki sougaat tumhi to ho.......
...
tumne hi bhari thi kabhi pathar mai zindagi,
inn khandharon ke sahi haqdaar tumhi to ho........
..
tujh ko hi banaya tha pyar ki raho ka hamsafar,
iss ishq ke safar ki adhoori raah tumhi to ho.........
..
tuu laakh dhaa le mere dil pe sitam,
ajj bhi meri chahton ke sartaaj tumhi to ho.....
.....
nikalte hai ahh ban ke jo armaan dil se,
unn siskiyon ke ajj bhi razdaar tumhi to ho...!!!
-------------------------------------------------------------------

jo kiya hai tumhe izhar-e-ishq apnaa
aaj akaal ke baad barish hogi
ishq main jaam jo tumne khankhaya hai
aaj dharti haari laal hogi
----------------------------------------------------

Kabhi usse bhi meri yaad satati hogi,
Apni aankhon mein mere khawaab sajati hogi,
Wo jo har waqt khayaalon mein basi rehti hai,
Kabhi to meri bhi socho mein kho jaati hogi,
...
Wo jiski raah mein palkein bichhi rehti hai,
Kabhi mujhe bhi apne paas bulati hogi,
Labon par rehti hai wo har pal hansi bankar,
khaylon me mere, wo bhi muskuraati hogi,
....
Wo jo shaamil hai mere geet mere naghmo mein,
Kabhi tanhai mein mujhko gun gunaati hogi,
Jiske liye mera dil beqaraar rahta hai,
Mere liye apna chain bhi gawanti hogi,
...
Jisse izhaar-e-wafa har pal karna chahoon,
Kabhi iqraar to wo bhi karna chahti hogi,
Jiske liye meri har raat hai karwat karwat,
Kabhi to use bhi neend na aati hogi,
...
Jiski ulfat ki shama se hai mera dil roshan,
Meri chahat ke wo bhi deep jalati hogi,
Gham e judai mera hi muqadar hai ya phir,
Meri judaai use bhi yuhi rulati hogi...!!!