Woh bin kahe bahoot kuch kah jaate hai

batao mujhe bhul jaaoge kaise
batao mujhe bhul jaaoge kaise ..

saagar se paani churaaoge kaise ..

tere aankhon mein jo basi meri surat
is chehre par kafan tum chaadaoge kaise ..

paazyeb mein teri bas rahi meri khusbuu
teri chudiyaan bhi kahe meri hai tu
chudiyoon ka yun jhoota bataaoge kaise
batao mujhe bhul jaaoge kaise ..
..
aayengi jab kabhi sharm yunhi tumhe bhi
to kyun na karoge yaad phir woh zamaana
mujhe dekhkar tera palkein jhukaana ..
mera phir woh tujh se naina milaana ...

na jaane kaisi woh barsaat hogi
khud ko tum itna rulaaoge kaise ..

batao mujhe bhul jaaoge kaise
batao mujhe bhul jaaoge kaise ..

chuuegi tumhe jab hawa shokh chanchal
tum meri chuaan ko chupaaoge kaise ..

karoge kabhi jo mere yaar sajdaa
mohabbat ko muh tum dikhaaoge kaise ..

kabhi fir to hogi khwaabidaa yeh nazaren
bachpan ke jawaan din saatayenge tumko
mere khaande pe tera woh sar rakh ke sona
guzar kar bhi yaad aayenge tumko

gulshan mein tere fanaa wo nazare
rahoge sada sanam tum hamaare
humse hi phir duur jaaoge kaise
khud ko tum itna rulaaoge kaise

batao mujhe bhul jaaoge kaise
batao mujhe bhul jaaoge kaise...!!!
-----------------------------------------------------------

Dekhiye to lagta hai,
zindagi ki raahon mein,
ek bheed chalti hai.
sochiye to lagta hai,
bheed mein hain sab tanha...

jitne bhi yeh rishte hain,
kaanch ke khilone hain,
pal mein toot sakte hain..
ek pal mein ho jaaye,.
koi jaane kab tanha....
..
dekhiye to lagta hai,
jaise yeh jo duniya hai,
kitni rangeen mehfil hai,
sochiye to lagta hai,
kitna gam hai duniya mein,
kitna zakhmi har dil hai..
woh jo muskuraate the,
jo kisi ko khwaabon mein,
apne pass paate the..
unki neend tooti hai..
aur hain woh ab tanha....

dekhiye toh lagta hai
zindagi ki raahon mein
ek bheed chalti hai
sochiye toh lagta hai
bheed mein hain sab tanha...!!!
----------------------------------------------

manzilen bhi milne lagengi...
raaste khud un tak le jaane lagenge..
nahi dil me dard hoga,aap yun muskurane lagenge...
..
har taraf har jagah raunaken hongi
dil me nahi gam ki chubhan hongi..

is kadar dua karte hain,yaqeenan qubool hogi
jo bhool bhi jao hume to samjhenge aapse koi bhool hogi..
..
kabhi chaah ke na yaad karna
acha nahi lagta hume yun pukaar sunna
...

magar jab bhi dil tanhaayi me ghire
aapke paas koi bhi,koi bhi na rahe

tab yaad mujhe tum kar lena
....
ya phir jab kisi se chot lage
dil me us vaqt beintaha dard uthhe

tab yaad mujhe tum kar lena
......

aur kabhi kabhi apno se bhi bahut dard mil jata hai
jab koi apna aap par bharosa nahi dikhata hai
us vaqt dil me ek tees si uthti hai
zindagi pal bhar ke lie maut si lagti hai...

tab yaad mujhe tum kar lena

....
kabhi kabhi kaamyaabi milte milte rah jaati hai
dil me tab udaasi hi udaasi rah jati hai
koi tab jazbaaton ko samajhna nahi chahta
kyunki dunia chadhte suraj ko hi salaam karti hai


tab yaad mujhe tum kar lena
.....

kabhi kabhi apni mohabbat se hi insaan haar jata hai
jise apna zameer apna guroor samjha vo bhi thhes laga jata hai
mere dost tum dil se gamon ko na apna lena
tanha rahna magar har vaqt bhi tanha na rahna...

tab yaad mujhe tum kar lena
....
jab bheegi bheegi si hon palken
aur dil me lage nahi hain dhadkane
jab oos ki boonden garm lagen
tapish uski alam bhi sah na saken

tab yaad mujhe tum kar lena
.....
jab hariyaali hi hariyaali si ho
dil me khushi ki lahar hi si ho
aur phir dastak de suhana mausam har pal
phir bhi dil me kuch kahin kami si ho

tab yaad mujhe tum kar lena
hum aapke lie dua kar rahe honge...!!!